Sammála Bjarna.

Ég er sammála Bjarna Ben. um það að ef Bretar og Hollendingar eigi að stefna Íslenska ríkinu fyrir Héraðsdóm og síðar til Hæstaréttar , ef þeir hlíta ekki niðurstöðu héraðsdóms. Það er að segja ef þeir þora.

Bjarni stillti þessu afar einfalt upp í þættinum hjá Sölva. Hann vildi reyna "pólitíska lausn" en samninganefnd okkar kom ekki með hana heim í júní sl.  Samninganefndin kom með samning sem ekki er hægt að fallast á, miðað við  þau samningsmarkmið sem fyrri ríkisstjórn (2008)  og samningsaðilar okkar, Bretar og Hollendingar höfðu undirritað.

Það var frekar aumkunarvert að horfa  "gimbilinn frá Gunnarstöðum" í , þessari útsendingu. Hann hann leit út eins og "kviðdreginn lambhrútur eftir fengitíma"  og var enn að  reyna að sannfæra  þjóðina (Alþingi) til þess að samþykkja hina"einu útgönguleið" þ.e.Icesave í þeirri  mynd sem hann er í dag. Hann hefur engan þátt átt í þessum málum, en hann hefur étið ofanísig all það sem honum hefur verið rétt. Stórt er kokið á soltnum þingeyingi.

Smá vísa úr minni mínu.

 

Þingeysk snilli, þelið gott

þarf ei tillibóta.

Lafir þar illa lagað skott, 

lafir það á milli fóta.

 

Einnig var það aulalegt hjá Árna Páli að lýsa því yfir þjóðina að hún eigi enga aðra kosti en að knésetja sig fyrir "ægisvaldi "ESB, Norðurlandaríkja og IMF. 

Þetta er líklega honum eðlislægt að beygja sig gagnvart valdi sem að honum er beitt. (líklega, því ekki mælti hann á móti lánveitingu Búnaðabanka til Samsons, til kaupa á Landbananum)

Líklega er þetta afleiðing þess að hann hafi verið svo lengi í SAMFYLKINGUNNI.  Þar fer fram hinn "ótrúlegi" heilaþvottur fram. (En eru einhver "korn" eftir af samviskunni, þegar kemur að landsölu Íslands)

Menn úr mörgum flokksbrotum (SF) eru með sömu "samvisku" þegar kemur að aðalmálum flokksins.

 

Það sem vekur spurningar í mínum huga er ; Hvers vegna VG, SF sjái enga aðra möguleika á  framtíð Íslands,en að samþykkja þennan afar samning, sem icesave samningurinn er, og eru að  segja okkur, þegnum Íslands, að okkar bíði eymd og volæði, ef við ekki samþykkjum. (Ég vil ekki blanda ESB landráðum inn í þetta)

 

Ég get ekki skilið hvers vegna Íslensk þjóð geti ekki leitað réttar síns? VG og SF geta skýrt þetta fyrir mér líklega, a.m.k. "fræðimenn" þeirra, vonandi.

Ég get ekki skilið hvernig hver og einn í Samfylkingunni geti samþykkt þennan samning athugasemdalaust?  (Hvað liggur að baki) Ég vill að sterkur flokkur eins og SF hafi einhverja aðra framtíðarsýn fyrir okkur íslendinga en, að fórna öllu sjálfstæði og löggjafarvaldi til annarra þjóða en okkar íslendinga.

 Hvað er að því að setjast að samningaborði og segja að við viljum semja upp á nýtt. Þetta gerist á hverjum degi í samningum. T.D. Í fasteignaviðskiptum þá er gert gagntilboð við það tilboð sem hefur verið sett á borðið.

Er Bretum og Hollendingum ekki ljóst að þessum möguleika var kastað á borðið, þegar óskað var eftir samþykki Alþingis á þessum samningi. 

 

Var Bretum og Hollendingum ekki ljóst að það þyrfti að breyta Íslensum lögum, til þess að fá samninginn samþykktan? Var íslensku samninganefndinni ekki ljóst að það þyrfti að breyta lögum? Var samninganefndin ekki með á hreinu, hvað væri gott fyrir Ísland? Gugnaði íslenska saminganefndin við mótlætið?

 

Er ekki siðferðisleg skylda okkar Íslendinga, að neita að borga og láta  á reyna tilskipun ESB, gagnvart öllum þegnum bankainnistæðna í ESB löndum, í gegnum opin réttarhöld?

 

Afar líklega eru fleiri tilskipanir í regluverki ESB sem stangast á við "hagsmuni fólks" innan ESB og EES. 

Á fólk í ríkjum ESB ekki að fá upplýsingar um hversu "gallað" regluverk stjórnherrana í ESB er?

 

Er ekki tímabært að upplýsa almenning(fólk) innan ESB um þá hluti sem viðgangast innan veggja Evrópuþingsins,  og segja þeim að þeirra fulltrúar hafi einungis 12 mínútur til að tjá sig um alla þá mál  sem þau varða, áður en ákvörðun er tekin?  (hvaða lýðræði er viðhafið í ESB)

 

Á ekki að segja almenningi í ESB, hvernig ESB er að meðhöndla Íslenska þjóð.  Segja henni að það sé verið að þvinga hana til samninga um skuldir EINKAAÐILA sem spiluðu í LOTTO og töpuðu.

 

Á ekki að segja almenningi í ESB um að Bretar og Hollendingar eru að hnésetja  íslenska þjóð, fyrir skuldir" óreiðumanna", upphæð  sem nemur "stöðumælasektum" til eins árs í þeirra landi.

 

Á ekki að upplýsa almenning um "háttsemi ESB ríkja" í þessu máli, gagnvart íslenskri þjóð?

 

Verðum við ekki sem íslendingar ekki að halda uppi þeirri stefnu f.h. ESB ríkja, að lög eru lög og þau gilda fyrir alla.

Eigum við íslendingar  ekki skilið að geta farið til Evrópu og haldið höfðinu hátt?

Eigum við það skilið að Alþingi okkar "lúffi" í svaðið fyrir hótunum ESB, vegna þess að regluverk þeirra heldur ekki gagnvart algeru hruni bankakerfis í hverju landi sem er.

 

Niðurstaða.

Stöndum saman og neitum að borga. Látum reyna á lögin og við skulum lúta niðurstöðu dómstóla.

 

 

 

 

 

EES-samningurinn var í húfi