Tillaga til leiðréttingar.

Ég er búinn að fylgjast með úrræðaleysinu og eftirgjöfinni hjá Ríkisstjórn Íslands í allt of langan tíma. Það er búið að segja við okkur um að við munum njóta þess þegar gengið styrkist gagnvart skuldbindingum ICESAVE. 

Það er ekki rétt, því Bretar og Hollendingar hafa sett kröfur sínar fram til Tryggingasjóðsins í Íslenskum krónum.

Því munum greiða fleiri PUND og fleiri EVRUR til Hollendinga og Breta, ef gengið styrkist. Ef gengið styrkist um 20% á tímabilinu þá munum við greiða 20% fleiri EVRUR og PUND til Breta og Hollendinga.

 

Það er ekki gott mál.

 

Ég er með tillögu sem vert væri að vinna í smávegis. Tillagan felst í því að greiða þessa skuld strax við Breta og Hollendinga.

 

Útfærsla:

1      Ríkisstjórn Íslands samþykkir Ríkisábyrgð til handa Tryggingasjóð er nemur Icesave                  skuldbindingum.

 

2.     Ríkisstjórn Íslands ræðir við lífeyrissjóðina um að þeir leiti láns til Norska olíusjóðsins, er nemur skuldbindingum Icesave.

 

3.     Lífeyrissjóðirnir bjóða Norska Olíusjóðnum tryggingar í eignum Landsbankans, Ríkisábyrgð og í sjálfum sér. ( Ættu að geta náð afar hafstæðum vöxtum)

 

4.    Lífeyrissjóðir Íslendinga leggja inn á lokaða handveðsbók í Englandi og Hollandi, Icesave skuldbindingar(Semja við Breta og Hollendinga um sömu vaxtaprósentu 5-6%)  sem kemur til greiðslu ef Ísland tapar málaferlum gagnvart túlkun á REGLUVERKI ESB, ANNARS EKKI.

 

Kostir.

 1.    Getum hætt öllu þvargi við Breta og Hollendinga og hafnað samningum.

 

2.     Ríkisstjórn hefur tíma til nauðsynlegra verka.

 

3.     Vaxtagreiðslur ganga til Lífeyrissjóð Landsmanna og Lífeyrissjóð Normanna, en ekki til             Breta og Hollendinga.

 

4.     Sala eigna Landsbankans gengur til greiðslu skulda og lækkar vaxtabyrðina.

 

5.    Þegar gengið styrkist þá þurfum við færri krónur til til greiðslu eftirstöðva og vaxta.

 

6.    Bónus- Stungið upp í Breta og Hollendinga. Ekki síst ESB.

 

7.     Lækkuð skuldabyrði Íslands og þegna þess.

 

8.     Líklega kemur betra lánshæfismat frá stofnunum.

 

9.      Traust viðskiptasamband myndast á milli Norðmanna og Íslendinga.

 

10.      Stöndum í lappirnar og höldum smá stolti.

 

Forsendan fyrir þessari útfærslu liggur í því að senda menn frá Lífeyrissjóðunum  með fulltingi Ríkisstjórnar og sækja um lán hjá þeim á þessum forsendum.

Norðmenn eru búnir að lýsa því yfir að þeir vilji hjálpa okkur 'Íslendingum og því ekki að láta á það reyna.

Stærstu mistök Íslandssögunnar